चोरमारा । नवलपरासी पूर्व नवलपुरको विनयी त्रिवेणी गाउँपालिका–३ कोटेघाटका स्थानीय बासिन्दा नेकपा एमाले प्रवेश गरेका छन् । कोटेघाटका एक सय भन्दा बढी स्थानीयलाई नेकपा एमाले केन्द्रीय सदस्य तिलक महत सहित एमालेका नेताहरुले स्वागत गरेका हुन् । कोटेघाटका अधिकाम्स स्थानीय यस अगाडी नेपाली कांग्रेसमा आवद्ध थिए । 
विगतमा सो क्षेत्रका स्थानीयले महसुस गर्न नसकेको बिकास अहिलेको स्थानीय सरकार र प्रदेश सरकारका प्रतिनिधि मार्फत भएको भन्दै नेकपा एमालेमा प्रवेश गरेको उनिहरुले बताए । पार्टी प्रवेश कार्यक्रममा नेकपा एमालेका केन्द्रीय सदस्य महत सहित लेखा आयोग सदस्य एवम् गण्डकी प्रदेश सभा सदस्य पद्मा जि.सी, पार्टी जिल्ला अध्यक्ष मुक्तिराम पाण्डे, गण्डकी प्रदेशका पूर्व मन्त्री रोशन बहादुर गाहा, संविधान सभा सदस्य जीवन श्रेष्ठ लगायतका नेताहरु कोटेघाट पुग्नु भएको थियो ।  
नवप्रवेशीहरुलाई स्वागत गर्दै एमाले केन्द्रीय सदस्य महतले समृद्ध नेपाल सुखी नेपालीको अभिलासा पुरा गर्न सबै तिनै तहमा एमाले नेतृत्वको सरकारको विकल्प नभएको बताउनु भएको छ । हालको स्थानीय सरकार र सो क्षेत्रबाट प्रतिनिधित्व गर्ने प्रदेश माननियको पहल र सबै एमाले नेताहरुको प्राथमिकतामा कोटेघाट देखि कुडापानी लगायतको क्षेत्रको बिकासका कामहरु तिब्र रुपमा अगाडी बढेको उहाँले बताउनुभयो । 
केन्द्रीय लेखा आयोग सदस्य पद्मा जि.सी. श्रेष्ठले आफ्नो जन्मथलो कुडापानी र आसपासको बिकासमा आफु सदैव अग्रसर रहने प्रतिबद्धता जनाउनुभयो । आफु संगै पढेका साथि देखि आफ्ना छरछिमेकलाई एमालेमा स्वागत गर्न पाउदा खुसी महसुस भएको उहाँले बताउनुभयो । 
अधिकांश मगर समुदायका स्थानीय उपस्थिति रहेको कार्यक्रममा मगर भाषामा नै सम्बोधन गर्नु भएका गण्डकी प्रदेशका पूर्व मन्त्री रोशन बहादुर गाहाले वर्गिय विभेदको अन्त्य र सबै समुदायको समान अधिकारको पक्षमा वकालत गर्ने पार्टी भएकाले भएको उहाँले बताउनुभयो । आदवासी जनजाती, दलित समुदायहरुको हकमा लागि पार्टी स्थापनाकाल देखि नै निरन्तर कार्य गर्दै आएको उहाँले बताउनुभयो । 
विनयी त्रिवेणी गाउँपालिकाका अध्यक्ष घनश्याम गिरीले स्थानीय जनतालाई निर्वाचन पूर्व गरेका अधिकाम्स बाचाहरु पुरा गर्ने चरणमा आफुहरु रहेको बताउनुभयो । भौगलिक रुपमा विकट भएको यस क्षेत्रका बिकास पालिका सरकारको पहिलो प्राथमिकतामा रहेको उहाँले बताउनुभयो । 
पार्टी प्रवेश कार्यक्रममा सहभागीहरुले एमालेका नेताहरुसंग आफ्ना अपेक्षाहरु राखेका थिए । 

२८ कात्तिक (रासस÷सिन्ह्वा) : चिनियाँ विदेशमन्त्री वाङ यी र अमेरिकी विदेशमन्त्री एन्टोनी ब्लिङ्केनबीच फोनवार्ता भएको छ । चिनियाँ विदेशमन्त्री र अमेरिकी विदेशमन्त्रीबीचमा शनिबार फोनमा कुराकानी भएको चिनियाँ विदेश मन्त्रालयले शनिबार जानकारी गराएको हो । उहाँहरुले चीन अमेरिका सम्बन्धका साथै अरु साझा चासोका विषयमा पनि कुराकानी गर्नुभएको भएको चिनियाँ विदेश मन्त्रालयका प्रवक्ता हुवा चुनियाङले जानकारी दिनुभएको छ ।

यस फोनवार्ताका क्रममा चीन र अमेरिकाको द्धिपक्षीय सम्बन्ध, दुई देशबीचको द्धिपक्षीय व्यापारका साथै अन्य आपसी हितका साथै क्षेत्रीय र विभिन्न अन्तर्राष्ट्रिय मुद्धाहरुका विषयमा पनि उहाँहरुबीच कुराकानी भएको बताइएको छ ।चिनियाँ राष्ट्रपति सि जिनपिङ र अमेरिकी राष्ट्रपति जो बाइडेनबीच भिडियो कन्फ्रेन्सिङका माध्यमबाट वार्ता हुने भएको छ । उहाँहरुबीच बेइजिङको स्थानीय समयानुसार आगामी नोभेम्बर १६ को बिहान सो वार्ता हुने भएको छ ।

सोही उच्चस्तरीय वार्ताको पूर्व सन्ध्यामा दुई देशका विदेशमन्त्रीबीच फोनवार्ता भएको हो । चिनियाँ विदेश मन्त्रालयका प्रवक्ता हुवा चुनियाङले सो कुराको जानकारी दिनुभएको हो ।