चोरमारा । स्थानीय तह वित्तीय सुशासन जोखिम मुल्यांकनमा नवलपरासी पूर्व नवलपुरको मध्यविन्दु नगरपालिका गण्डकी प्रदेशमा उच्चतम अंक प्राप्त गरेको छ । आर्थिक वर्ष २०७९/०८० को मुल्यांकनमा मध्यविन्दु नगरपालिकाले ९०.५० अंक प्राप्त गर्दै प्रदेशको स्थानीय तह वित्तीय सुशासन जोखिम मुल्यांकनमा प्रथम बनेको हो । वित्तीय सुशासन जोखिम मुल्यांकनमा नवलपुरका तिन वटा स्थानीय तह उत्कृष्ट १० भित्र रहेका छन् । बौदीकाली गाउँपालिका ८३.५ अंक सहित चौंथो स्थान र गैंडाकोट नगरपालिका ८१.५ अंक सहित छैठौं स्थानमा पर्न सफल भएका हुन् ।
योजना, बजेट तथा कार्यक्रम व्यवस्थापन, कार्यान्वयन क्षमता तथा व्यवस्थापन, लेखांकन तथा प्रतिवेदन, अनुगमन, मुल्यांकन तथा लेखापरीक्षण र राजस्व व्यवस्थापन गरी पाँच वटा विषय क्षेत्रको मुल्यांकनको आधारमा वित्तीय सुशासन जोखिम मुल्यांकन गरिएको हो ।
यस अगाडी २०७८/०७९ को स्थानीय तह वित्तीय सुशासन जोखिम मुल्यांकनमा समेत मध्यविन्दु नगरपालिका गण्डकी प्रदेशको पहिलो नम्बरको पालिका बनेको थियो । उक्त वर्ष मध्यविन्दु नगरपालिकाले ८९.५ अंक प्राप्त गरेको थियो ।
_1700554680.JPG)
_1699088563.JPG)
नेपाल सेरोफेरो एक समाचार पोर्टल हो जसले नेपाल र विश्वसँग सम्बन्धित नवीनतम र अद्यावधिक समाचार र जानकारी प्रदान गर्दछ। ताजा समाचारको अपडेटको लागि, हामीसँग रहनुहोस्।
Copyright © 2024, Nepal Serofero. All rights reserved.
Powered by Bitmap I.T. Solution Pvt. Ltd. .
