छ वर्षीया छोरी माथि यौन हिंसा गर्ने बुबा कावासोतीबाट पक्राउ

नेपाल सेरोफेरो

2023-12-08

कावासोती । ६ वर्षीया बालिकालाई आफ्नै बुबाले पटक पटक यौन हिंसा गरेको घटनामा प्रहरीले आरोपित बुबालाई कावासोतीबाट नियन्त्रणमा लिएको छ । कावासोती नगरपालिका निवासी पीडित ६ वर्षीया बालिका माथि विभिन्न समयमा बुबाबाट यौन हिंसा भएको प्रारम्भीक अनुसन्धानबाट खुलेको जिल्ला प्रहरी कार्यालय नवलपुरका प्रमुख एसपी नरहरी रेग्मीले बताउनुभयो ।
पीडित बालिकाको आमा तिन महिना देखि सम्पर्क बिहिन भएपछि पीडित बालिका र उनका ९ वर्षीय दाजु अहिले ३९ वर्षीय बुबा संगै बस्दै आएका छन् । घरमा पटक पटक बुबाबाट यौन हिंसा भएपछि बालिकाले घटनाको बारेमा आफ्नो साथिलाई सुनाएकी थिईन् । साथिले आफ्नो आमालाई र आमाले विद्यालयको प्रधानाध्यापकलाई घटनाको बारेमा जानकारी गराएपछि प्रधानाध्यापकले प्रहरीकोमा घटनाको बारेमा मौखिक जानकारी गराएका थिए । घटनाको बारेमा मौखिक जानकारी प्राप्त भएपछि आरोपित बुबालाई बिहिबार नियन्त्रणमा लिई प्रहरी हिरासतमा राखेर घटनाको अनुसन्धान भई रहेको जिल्ला प्रहरी कार्यालय नवलपुरका इन्स्पेक्टर साजन शर्माले जानकारी दिनुभयो ।
घटनाबारे जानकारी भएपछि प्रहरी र छिमेकीले ३ महिना देखि सम्पर्क बिहिन भएकी बालिकाको आमालाई बोलाएको छ । घटनाको लिखित जाहेरी र पीडित बालिकाको संरक्षणको लागि आमालाई झिकाईएको हो ।
हाल सम्म प्रहरीमा घटनाको बारेमा मुद्धा दर्ता भएको भएको छैन । पीडित बालिकाको आमाबाट जाहेरी प्राप्त भएपछि जाहेरी र घटनाको प्रकृतिको आधारमा कुन शिर्षकमा मुद्धा दर्ता हुने एकिन हुने इन्स्पेक्टर शर्माले बताउनुभयो । पीडित बालिकाको हाल सम्म स्वास्थ्य परिक्षण भएको छ । बालिकाको मध्यविन्दु जिल्ला अस्पतालमा स्वास्थ्य परिक्षण गर्ने तयारी भइरहेको छ ।